Қазақстанның сейсмологтары Алматының солтүстік-шығысында тағы бір жер сілкінісін тіркеді.
ERNUR.KZ. Төтенше жағдайлар министрлігі "Сейсмологиялық тәжірибе-әдістемелік экспедициясы" ЖШС сейсмикалық станциялар желісінің мамандары 8 мамыр күні сағат түскі бір жарымда Алматының солтүстік-шығысында жер сілкінісін тіркеді, деп жазады sputnik.kz.
Бұл бір тәулік ішіндегі екінші жер сілкінісі.
"Сейсмологиялық тәжірибе-әдістемелік экспедициясы" ЖШС мамандарының мәліметінше, жер сілкінісі қаладан солтүстік-шығысқа қарай 114 шақырым жерде болған.
"8 мамырда сағат 13.31-де жер сілкінісі болды. Энергетикалық класы 8,7. MPV магнитудасы 4,4. Жер сілкінісінің сезілгені туралы ақпарат жоқ", - делінген хабарламада.
Бұған дейін хабарланғандай, 7 мамыр күні сағат 16.15-те Алматыдан солтүстік-шығысқа қарай 222 шақырым жерде жер сілкінісі тіркелді.
"Жер сілкінісінің энергетикалық класы 8,4. MPV магнитудасы 3,7. Тереңдігі 10 километр", - деп атап өтті сейсмологтар.
Жер сілкінісінің сезілгені, сондай-ақ инфрақұрылымның зақымданғаны туралы ақпарат жоқ.
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
