Алматылық әйелді Damumed-те "есірткіге тәуелді" деп өтірік тіркеген

Мадина перзентханадан шыққанын растайтын құжатты алу үшін Damumed қосымшасын жүктеп алған. Сонда 2019 жылы ол әлеуметтік қызметкерге жүгініп, есірткіге тәуелді болған деп жазылған. Қабылдау қағазында науқастың нашақор екені көрсетілген. Онымен психокоррекциялық әңгіме жүргізілді деп жазып беріпті. Бірақ әйел оған бармаған.

"Қалай мұндайға баруға болады? Сонда қандай да бір есеп беру үшін осылай істеу керек пе? Мен үшін мұны көру өте ауыр болды, түнімен ұйықтай алмадым. Біздің елде адамның құқығы мен деректері қорғалмайтыны алаңдатты. Кез келген медицина қызметкері кіріп, мұны көре алады. Мені тағы бір жерге тіркеп қоймады деп үміттенемін", – деді Мадина.

Ол eGov-тан нарколог немесе психиатрда есепте тұрмағаны туралы анықтама сұратып, адвокаттарға жүгінген. Ал №17 қалалық емхана бұл жағдайға сараптама жүргізетінін хабарлады.

"Емхананың пациенттерді қолдау қызметі егжей-тегжейлерді анықтау және одан әрі өзара әрекеттесу үшін өтініш берушіге хабарласты. Қазақстан Республикасының "Халық денсаулығы және денсаулық сақтау жүйесі туралы" кодексінің 273-бабына сәйкес "Медицина қызметкерінің құпиялығы" бойынша барлық ақпарат пен талдау нәтижелері өтініш берушіге жеке беріледі", – деп мәлімдеді аурухана әкімшілігі.