Астанадағы автобустың қатысуымен болған апат: Төрт жолаушыға ота жасалды

ERNUR.KZ. Астанада автобустың қатысуымен болған жол апаты салдарынан төрт жолаушыға ота жасалды, деп жазады Stan.kz.

Денсаулық сақтау басқармасының мәліметінше, 21 ақпанда автобус бағанға соғылған соң №1 қлалық көпбейінді ауруханаға 15 адам жеткізілген.

"Тексеріс нәтижесі бойынша 8 адам үйіне амбулаторлық ем қабылдауға жіберілді. 7 науқас емді әрі қарай жалғастыру үшін ауруханаға жатқызылды. Соның ішінде 4 адамға ота жасалды", – делінген басқарма хабарламасында.

Қазір науқастар дәрігерлердің бақылауында. Ал автобус жүргізушісінің жағдайы орташа ауыр деңгейде деп бағаланды.