Қару сақтаған жас жігіттер 23-27 жас аралығындағы Атырау қаласының тұрғындары болып шықты.
ERNUR.KZ. Атырау облысы полиция департаментінің қызметкерлері "Құқықтық тәртіп" жедел-профилактикалық іс-шарасы аясында Атырау қаласы аумағында түрлі атыс қаруларын заңсыз сақтау және тасымалдаумен айналысқан 9 адамды ұстады, деп жазады Экспресс К.
Қару сақтаған жас жігіттер 23-27 жас аралығындағы Атырау қаласының тұрғындары болып шықты.
"Тексеру кезінде 1996 жылғы күдіктіден серия нөмірі өшірілген тапанша, ал 1997 жылғы күдіктіден травматикалық тапанша тәркіленді. Сондай-ақ, Сәтпаев көшесінде орналасқан үйлердің бірінен 3 дана атыс қаруы мен 2 дана шолақ мылтық пен оқ-дәрі табылды", — деп мәлімдейді облыстық ПД баспасөз қызметі.
Қазір бір атыс қаруы өткен жылы Алматы қаласында болған пәтер ұрлықтарының бірінде жоғалған қару ретінде тіркелгені анықталған. Сондай-ақ тәркіленген барлық қаруға сараптама тағайындалды.
Күдіктілердің екеуі бұрын да қарумен жасалған бұзақылық фактісі бойынша істі болғандығы анықталып отыр.
Қазіргі таңда ҚК 287-бабы 1-бөлігімен сотқа дейінгі тергеу амалдары жүргізілуде.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
