Демалыс күндері еліміздің кейбір өңірлерінде үсік жүреді

20.05.2022 17:59

1 676

Ресейдің еуропалық бөлігінің аймақтарынан келетін циклон әсерінен республиканың барлық аумағында ауа райы тұрақсыз болады.

Синоптиктер Қазақстанда 21-23 мамырға арналған ауа райы болжамын ұсынды. Олар демалыс күндері найзағай болады деп болжады, деп хабарлайды ERNUR.KZ.

Найзағай ойнап, жаңбыр жауады. Елдің солтүстік-батысында, оңтүстік облыстардың таулы және тау бөктеріндегі аудандарында жел күшейеді, бұршақ жаууы мүмкін. Қатты жаңбыр жауады деп болжанды. Батыста және солтүстік-батыста түнде және таңертең 2 градусқа дейін аяз болуы мүмкін.«Қазгидромет» РМК

"Қазгидромет" РМК мәліметінше, батыста күндіз ауа температурасының +8...+18-ден +15...+28°С-қа дейін аздап жоғарылауы күтіледі, ал қалған аумақта, солтүстікте күндіз ауа температурасының төмендеуі байқалады. Орталықта +25...+30°С-тан +15...+20°С-қа дейін, республиканың оңтүстігі мен шығысында +28...+33°С-тан +17...+ 25°С-қа дейінгі аралықты көрсетеді.