Екі қыздың өлімінен кейін Алматыда шатырға шығуға тыйым салынды

«Коммуналдық инфрақұрылымды дамыту басқармасы көппәтерлі тұрғын үйлерді басқарудың барлық органдарына қауіпсіздік шараларын күшейту, оның ішінде шатырға кіруді шектеу жөнінде хат жолдады», — деп хабарлады әкімдіктің баспасөз қызметі.

Сондай-ақ, бөлім аудан әкімдіктерімен, үгіт-насихат жетекшілерімен және белсенді тұрғындармен бірге шатырға кіруге шектеуді тексеру үшін көпқабатты тұрғын үйлерді аралауды бастады.

Тексеру нәтижесі актіде тіркеледі.

«Бұдан былай шатырға басқарушы компанияның рұқсатымен ғана кіруге болады», — деп қосты әкімдіктегілер.

Бұған дейін әлеуметтік желілерде екі қыздың көпқабатты үйдің шатырынан құлап көз жұмғаны жайлы ақпарат тараған еді. Бұл факті бойынша Алмалы аудандық полиция бөлімі қылмыстық іс қозғады.

Сондай-ақ қайғылы оқиғаға орай Алматының білім басқармасы мәлімдеме жасады.

«Білім басқармасы тиісті мемлекеттік органдардың қызметкерлерін тарта отырып, істің бүкіл мән-жайын зерделеу жөніндегі комиссия құрды» делінген хабарламада.

Тергеу мүддесі үшін өзге ақпарат айтылмайды.