Еліміздің 3 облысында ауа райына байланысты ескерту жарияланды

"Қазгидромет" орталығы синоптиктері еліміздің 3 облысында ауа райына байланысты ескерту жариялады, деп хабарлайды ERNUR.KZ.

22 желтоқсанда Ақмола облысының кей жерлерінде тұман түсіп, жаяу бұрқасын болады. Батыстан, оңтүстік-батыстан жел соғады, кей жерлерде күші секундына 15-20 метрге дейін жетеді.

Көкшетауда жаяу бұрқасын соғады. Ауа райы болжамының дәлдігі 85-90%.

22-23 желтоқсанда Қарағанды облысынның кей жерлерінде тұман түседі. Ауа райы болжамының дәлдігі 70-75%.

22 желтоқсан күні түнде Маңғыстау облысының кей жерлерінде тұман түсіп, көктайғақ болады. Ауа райы болжамының дәлдігі 85-90%.