Білім ұйымының басшысы оқушыларыға білім беру кезінде адалдық пен ашықтық принциптері қатаң ұстанатынын да жеткізді.
ERNUR.KZ. "Назарбаев зияткерлік мектептері" автономды білім ұйымының басшысы Әнуар Жанғозин әлеуметтік желіде тараған ақпаратты жоққа шығарды, деп жазады Sputnik Қазақстан.
Соңғы кезде әлеуметтік желілер мен мессенджерлерде "Назарбаев зияткерлік мектептерінің" түлектері тапсыратын емтихан материалдары сатылатыны туралы хабарламалар тарап жатыр.
"Бұл ақпарат шындыққа сәйкес келмейтінін атап өткім келеді. Біздің мектептерде оқушыларды бағалау рәсімдерін өткізуге арналған кез келген емтихан материалдары халықаралық стандарттарға сәйкес әзірленеді. Емтихан материалдарын әзірлеу кезінде құпиялылық және ақпараттық қауіпсіздік шаралары сақталады, бұл өз кезегінде материалдардың таралып кетпеуін қамтамасыз етеді", - дейдіЖанғозин.
Білім ұйымының басшысы оқушыларыға білім беру кезінде адалдық пен ашықтық принциптері қатаң ұстанатынын да жеткізді.
"Сондай-ақ мұндай әрекеттер біздің ережелерді өрескел бұзу ретінде қарастырылатынын, оқу орнынан/жұмыстан дереу шығаруға және кейіннен заңнамалық деңгейде жауапкершілікке тартуға әкелуі мүмкін екенін атап өткім келеді", - деп атап көрсетті Жанғозин.
