Қазақстанда күн 46 градусқа дейін ысиды

Фото: imgix.bustle.com

Қазақстанда 24-26 шілде аралығында күн ысиды, кей жерде ауа температурасы 46 градусқа дейін жетеді, деп хабарлайды ERNUR.KZ Қазгидрометке сілтеме жасап.

"Атмосфералық фронттардың өтуіне байланысты еліміздің солтүстік аймақтарында жаңбыр жауады. 24 шілдеде батыста, 24-25 шілдеде солтүстік- батыста, 25-26 шілдеде елдің солтүстігінде қатты жаңбыр жауып, найзағай ойнап, екпінді жел соғады, бұршақ жауы ықтимал. Оңтүстік және оңтүстік- батыста жауын-шашынсыз ыстық ауа-айы күтіледі", – делінген хабарламада

Сноптиктер алдағы уақытта 46 градусқа ыстық болады деп болжауда.

"Ауа температурасының күндіз оңтүстікте, оңтүстік-батыста 38-46 градус жылыға дейін, оңтүстік-шығыста, шығыста және орталықта 38-42 жылыға дейін көтерілуі болжануда, солтүстікте температураның 32-40 жылудан 20-30 жылыға дейін біртіндеп төмендеуі байқалады", – дейді Қазгидромет мамандары.