Қазақстандық танымал музыкант Jah Khalib Киевте екенін айтты

ERNUR.KZ. Отандық танымал әнші, рэпер Jah Khalib Украина астанасы Киев қаласында екенін мәлім етті, деп жазады ҚазАқпарат.

«Біз осындамыз. Біз Киевтеміз. Бір панадан екінші панаға тасалап жүрміз. Дін аманбыз, сабырлық сақтаудамыз. Ешқайда бармаймыз. Украиналықтар, мен сіздерді жақсы көріп қана қоймай, сүйсінемін», - деп жазды Jah Khalib әлеуметтік желіде.

Айта кетейік, бұған дейін Украинадан эвакуацияланған қазақстандық шекарадағы жағдай туралы айтып берген еді.

Украинадағы Қазақстан азаматтарының жағдайына келсек, еліміздің сыртқы істер министрлігі 80 отандасымыздың Польшаға жеткізілгенін хабарлады.

Сондай-ақ, Польшаға жеткен қазақстандықтардың алғашқы легі елге бүгін ұшатыны айтылды.

Украинадағы отандастарымыздың назарына тағы бір ақпарат, аталған елдегі Қазақстан консулдарының байланыс телефоны мен мекенжайы жарияланды.