"Қазақстанның бірнеше қаласын Ресейге беру керек" деген тұрғын істі болды

ERNUR.KZ. Полиция жазба авторына қатысты қылмыстық іс қозғады, деп жазады tengrinews.kz.

Ведомство хабарына қарағанда, әлеуметтік желі қолданушысы Максим Яковенко арандату мәніндегі ақпараты бар пост жариялап, ол қоғамдық резонанс тудырған. Өз постында ол Ресейге Қазақстанның бірнеше қаласын беру керек деп жазған.

"Осы мәлімдемемен ол ұлтаралық алауыздық туындауына себеп болды. Бұл дерек бойынша Полиция департаменті ҚР Қылмыстық кодексінің 174-бабы ("Әлеуметтiк, ұлттық, рулық, нәсiлдiк, тектік-топтық немесе дiни алауыздықты қоздыру") бойынша қылмыстық іс қозғады. Полиция департаменті әлеуметтік желілердің барлық пайдаланушысына осындай арандатушылық жазбаларға бой алдырмауға және жағдайдың тұрақсыздануына ықпал етпеуге шақырады. Сондай-ақ, мұндай арандатушылық мәлімдемелер қылмыстық жазасы бар әрекет екенін еске салады. Барлық азамат бір-біріне құрметпен қарауы керек, мұндай жазбалардың мақсаты - біздің қоғамда дүрбелең салып, қақтығыстарға сеп болу", - делінген ведомство хабарламасында.

ҚР Қылмыстық кодексінің бұл бабы бойынша 12 жылдан 20 жылға дейiнгi мерзiмге бас бостандығынан айыру жазасы қарастырылған.