Павлодар облысында су қоймасынан екі балықшы өлі табылды

23.03.2024 16:27

2 808

Көлік жағадан 700-800 метр қашықтықта батып кеткен.

Павлодар облысында су қоймасынан екі балықшы өлі табылды, - деп жазадыTengrinews.kz.

22 наурызда сағат 20:33-те Екібастұз қаласының ГРЭС-2 ауданында, "Шандықсор" жасанды су айдынында 1978 және 1976 жылы туған ер адамдар жеке көліктерімен мұз астына түсіп кеткені туралы хабар түскен.

Ер адамдар балық аулауға Павлодардан келгендері анықталды. Көлік жағадан 700-800 метр қашықтықта батып кеткен.

23 наурызда сағат 07:20-да Екібастұз қаласының құтқарушылары іздестіру-құтқару жұмыстарына кірісті. 7 адам, 2 бірлік техника және 1 жүзу құралы жұмылдырылды.

Фото: Павлодар облысы ТЖД

Құтқарушылардың күшімен балықшылардың денелері су қоймасынан алынды.

Павлодар облысының ТЖД мұздың қазір өте жұқа екенін және оған шығу қауіпті екенін ескертеді.