Семейде бес қабатты үйдің шатыры опырылып түсті

ERNUR.KZ. Семейде бес қабатты тұрғын үйдің шатыры жартылай жұлынды, деп жазады azattyq-ruhy.kz.

26 мамыр күні сағат 17:45 шамасында Абай ауданы Төтенше жағдайлар департаментінің пультіне көпқабатты тұрғын үйдің төбесі салбырап, құлау қаупі бар екендігі туралы ақпарат келіп түскен.

Оқиға орнына жеткен құтқарушылар жалпы 160 шаршы метр шатырдың 70 шаршы метрі шығып кеткенін айтты.

1984 жылы салынған үй Глинка көшесі, 35-үйде орналасқан.

Бүгін Семей қаласының әкімі Нұрбол Нұрсағатов әкімдіктің бөлім басшылары мен Төтенше жағдайлар департаменті басшысының орынбасары Қымбат Көпбаевпен көшпелі кеңес өткізді.