Әншінің тыңдармандары тезірек сауығып кетуін тіледі.
Рэпер Скриптонит (Әділ Жәлелов) коронавирус жұқтырды, деп хабарлайды ERNUR.KZ.
Бұл туралы ол өзінің Instagram парақшасында хабарлады.
"Менің коронавирус инфекциясын жұқтырғаныма байланысты 36 Summer Jam 27 маусымға ауысты. Қолайсыздық үшін кешірім сұраймыз және түсіністікпен қарайсыздар деп үміттенеміз. Сатып алынған билеттер ауысқан күнге жарамды", – деп жазды ол.
Әншінің тыңдармандары тезірек сауығып кетуін тіледі.
36 Summer Jam шарасы 13 маусымда Мәскеудегі "Газгольдер" клубында өтеді деп жоспарланған. Шараның ұйымдастырушысы – негізін Скриптонит қалаған Musica 36 лейблы.
Скриптонит (Әділ Жәлелов (Құлмағамбетов) 1990 жылы 3 маусымда Павлодар қаласының маңындағы Ленин кентінде дүниеге келген. Жасөспірім шағынан музыкамен айналысқан ол 15 жасынан бастап өлең жаза бастады. Алғаш рет өзін 2013 жылы VBVVCTND әніне түсірілген бейнебаян арқылы көрсетті.
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
