Желіде тарап жатқан хабарламада Маңғыстау облысы Мұнайлы ауданы Батыр ауылының тұрғыны вакцина салдырып, кейін қайтыс болғаны айтылады.
ERNUR.KZ. Денсаулық сақтау министрлігі коронавирусқа қарсы вакцина салдырған қазақстандық қайтыс болды деген хабарламаға пікір білдірді, деп жазады Tengrinews.kz.
Желіде тарап жатқан хабарламада Маңғыстау облысы Мұнайлы ауданы Батыр ауылының тұрғыны вакцина салдырып, кейін қайтыс болғаны айтылады.
"Асқар Төңгеұлы бауырымыз вакцина салғаннан қайтыс болыпты! Вахтаға кетер алдында КВИ тестен өтіп және вакцина салдырған көп ұзамай қайтыс болған. Асқар бауырымыздың туғандарына қайғырып көңіл айтамын!", - делінген хабарламада.
Санитарлық-эпидемиологиялық бақылау комитетінің ресми өкілі Ержан Байтанаев осы хабарламаға пікір білдірді.
"Биыл 19 қаңтарда 1978 жылғы ер адамның қан қысымы жоғарылап, салдарынан қайтыс болған. Ол ешқандай вакцинация алған жоқ", - деді ол.
Байтанаев бүгінгі таңда коронавирус инфекциясына қарсы вакцина Маңғыстау облысына әкелінбегенін атап өтті. Вакцинаның бірінші партиясын аймаққа жеткізу 28-29 қаңтарға жоспарланған екен.
