Дәрігерлер оған ота жасады.
ERNUR.KZ. Жол апатынан аман қалған бір балуанның жағдайы ауыр. Бұл туралы Жамбыл облысы Денсаулық сақтау басқармасындағылар мәлімдеді, деп жазады Tengrinews.kz.
Еске салайық, бұған дейін Жамбыл облысында балуандар жол апатына түсіп, Жақсыбек Қарабалаев және Байбазар Жанбота апат болған жерде, сондай-ақ ауыр халде ауруханаға түскен Ілияс Жұмай ертесі ауруханада қайтыс болғаны хабарланған еді. Қазір Нұрдәулет Зауытбек және Шыңғысхан Мұхаметқалиев өмір үшін арпалысып жатыр. Біреуінің жағдайы ауыр.
"Қордай ауруханасына 1998 және 1999 жылы туған екі науқас түсті. 1999 жылы туған Мұхаметқалиевтің ми церебраль ісігі болды. Қазір оның жағдайы өте ауыр. Дәрігерлер оған ота жасады. Комада жатыр, санавиацияны шақырдық.
Екінші науқастың жағдайы орташа, тұрақты. Ол да бірнеше жарақат алған", - деп мәлімдеді облыстағы Денсаулық сақтау басқармасының баспасөз хатшысы Толқын Өмірбекова.
