Жаңбыр салдарынан бірқатар өңірде жолдар зақымданып, қозғалыс қиындады

0
786

​Жамбыл облысында теміржол көпірін жаңбыр шайып кетті. Салдарынан алты жолаушы пойызының қозғалысына кедергі келді. Алматы облысында Жоламан елді мекенінде де жолдар бұзылды.


Жаңбыр салдарынан бірқатар өңірде жолдар зақымданып, қозғалыс қиындады

ERNUR.KZ. Оңтүстік өңірде жауған жаңбыр көлік инфрақұрылымын бұзды, деп жазады sputniknews.kz.

Жамбыл облысы Меркі ауданында қараралас жаңбыр болды. Аспара-Шу аралығындағы теміржол көпірі мен жергілікті жолды шайып кетті.




"Су өткізетін жасанды құрылыс толықтай жұмыс істеп тұрды. Алайда су көп болғандықтан, теміржол көпірінің негізін шайып кетті. Қазіргі уақытта жүк және жолаушылар пойызының қозғалысы уақытша тоқтатылды. Қалпына келтіру жұмыстары жүріп жатыр", - деп хабарлады "Қазақстан темір жолының" баспасөз қызметі.

Жолаушылар пойызы кешігіп жатыр:

  • №712 Шымкент-Нұр-Сұлтан Нұрлы жол;
  • №78 Маңғыстау - Алматы-2;
  • №42 Атырау - Алматы-2;
  • №23 Алматы-1 - Ақтөбе;
  • №29 Алматы -2 – Атырау;
  • №33 "Алматы-2 – Ақтөбе".

Толық ақпарат алу үшін вокзалдардың анықтама бюросына немесе 105 бірыңғай анықтама қызметіне хабарласуға болады.

Алматы облысында толассыз жаңбыр ауыл жолдарын бұзды, деп хабарлады өңірдің төтенше жағдайлар қызметі.