Жұмыспен қамту орталығы желіде қызмет көрсетеді

18.01.2019 10:49

1 800

Оған қоса, enbek.kz. порталы жұмыс істейді.

Елорданың Жұмыспен қамту орталығында қызметтерді қашықтықтан көрсететін пунктердің саны арттырылады деп жоспарлануда, деп хабарлайды ERNUR.KZ Астана әкімдігінің ресми сайтына сілтеме жасап.

«2018 жылы орталықта бейне байланыс арқылы қызметтерді қашықтықтан көрсететін 4 пункт ашылған болатын. Биыл мұндай пунктердің саны арттырылады деп жоспарлануда», - делінген жұмыспен қамту және әлеуметтік қорғау басқармасының хабарламасында.

Бұдан бөлек, жұмыс іздеушілер мен жұмыс берушілерге арналған «CZ Astana» мобильді қосымшасы іске қосылды.Оның көмегімен бос жұмыс орындары туралы ақпаратты, жұмыс іздеушілер мен жұмыс берушілерге арналған пайдалы ақпаратты тауып қана қоймай, өзіңнің қай мамандыққа икемің бар екенін тексеруге болады.

Мұнымен қоса, enbek.kz. порталы жұмыс істейді.