ШЫМКЕНТ: әскери қызметтің қауіпсіздік талаптарын зерделейтін кешенді практикалық оқу-жаттығу өтті

Сабақтар жеке құрамға, ең алдымен жас сарбаздарға қызметтік міндеттерін орындаудың қауіпсіз тәсілдерін, қару-жарақ пен әскери техникаға қызмет көрсету кезінде жазатайым оқиғалардың алдын алу, сондай-ақ манекендер мен макеттерде қауіпсіздік талаптарын сақтамаудың нақты салдарларын көрсету үшін өткізілді. Осы мақсатта әскери бөлімнің жауынгерлік машиналары паркінде 14 оқу нүктесі жабдықталып, жеке құрам оқу бағдарламасын толық меңгеруге мүмкіндік алды.

Оқу-жаттығу нүктелерінде әскери қызметшілерге әскери техниканы пайдалану, қару-жараққа қызмет көрсету, улы және жарылғыш заттарды пайдалану кезіндегі сақтық шаралары, қарауылда қызмет өткеру кезінде және атыс дайындығы сабақтарында қауіпсіздік талаптары, сондай-ақ алғашқы медициналық көмек көрсету ережелері нақты көрсетіліп, түсіндірілді. Бүкіл теориялық бөлім қару-жарақ пен әскери техниканың нақты үлгілерінде практикалық көрсетіліммен сүйемелденді.

Қарумен жұмыс істеу ережелерін сақтаудың маңыздылығы жасанды қанды қолдану арқылы имитацияланған жаралары бар муляжға бос патрондарды ату мысалында көрсетілді.

Әскери қызметшілердің дене шынықтыруына байланысты тиісті жабдықтар мен жаттығу әдістерін таңдауды қоса алғанда, жаттығу процесін дұрыс ұйымдастыруға да ерекше назар аударылды. Дене шынықтыру нұсқаушылары дене шынықтыруды қауіпсіз орындау техникасын пысықтауға, сондай-ақ ықтимал жарақаттардың алдын алуға бағытталған бірқатар практикалық жаттығулар өткізді.

Медициналық көмек көрсету бойынша оқу орнында санитарлық нұсқаушы әскери қызметшілерге түрлі жарақаттар мен өмірге қауіп төнген кездегі негізгі ережелерді еске салды, сондай-ақ әскери қызметшілерді өз денсаулығын бақылау туралы тағы да хабардар етті

Қауіпсіздік талаптары бойынша сабақтар 2 желтоқсанда басталатын жаңа оқу жылы қарсаңында өткізілді.