ШЫМКЕНТ: Блок-бекеттерде сырттан келген 8 азаматтан коронавирус инфекциясы анықталған

Шымкентке қала кіреберістеріндегі блок-бекекттер жұмысын жалғастырады, деп хабарлайды ERNUR.KZ.

Бұл жөнінде бүгін қала әкімі Мұрат Әйтенов онлайн-брифингте мәлім етті.

– Блок-бекеттер мәселесі бойынша тұрғындардан көптеген сауалдар келіп жатыр. Дегенмен, елімізде 11 мамырда төтенше жағдай алынғаннан кейін тұрғындар арасында карантин талаптары тиісті деңгейде сақталмауы салдарынан Covid-19 вирусын жұқтырғандар саны күрт өсті. 11-18 мамыр аралығында күніне ең жоғарғы көрсеткіш 77 адам болды немесе өсімі 28,8% болып отыр. Осы блок-бекеттерде сырттан келген 8 азаматтан коронавирус инфекциясы анықталды. Сондықтан Шымкент қаласына кіріп-шығатын жолдарға қойылған блок-бекеттердің жұмысы жалғасады, – деді Мұрат Дүйсенбекұлы.