Инвестор есебінен жүргізіліп жатқан жобаның құны – 610,8 млн теңге.
Биыл Шымкент қаласында мемлекет есебінен 13, инвесторлар арқылы 19 білім нысанының құрылысы жүргізіледі, деп хабарлайды ERNUR.KZ.
Шымкент қаласының әкімі Мұрат Әйтенов «Құрсай» шағынауданындағы №49 жалпы орта мектептің 500 орындық қосымша құрылысының барысымен танысып, жауаптыларға құрылысты сапалы орындауды міндеттеді. Қала әкімі мектептің айналасын инфрақұрылым жүйелерімен қамтамасыз етуді тапсырды.
Инвестор есебінен жүргізіліп жатқан жобаның құны – 610,8 млн теңге. Жер телімінің жалпы ауданы 0,82 га. Мердігер «Бекназ и К» ЖШС-і құрылысты биыл 6 шілде Елорда күніне орай пайдалануға беруді жоспарлауда.
