1941-1945 жылдары Шымкент пен оңтүстік өңірден 140 мыңнан астам жауынгер соғысқа аттанып, олардың жартысына жуығы туған жеріне қайта оралмаған.
Шымкентте 9 мамыр – Жеңіс күні мерекесі жоғары деңгейде атап өтілді. Мерекеге орай Абай саябағында орналасқан "Даңқ" мемориалындағы "Мәңгілік алауға" гүл шоқтарын қою рәсімі өтті, деп хабарлайды ERNUR.KZ.
Оған Шымкент әкімі Мұрат Әйтенов пен қалалық мәслихаттың төрағасы Бахадыр Нарымбетов, соғыс және тыл ардагерлері мен қаза болған жауынгерлердің ұрпақтары, әскери қызметшілер мен құқық қорғау органдарының қызметкерлері де қатысты.
Жиналған көпшілік Екінші дүниежүзілік соғыс жылдарында майданда қаза тапқан жауынгерлерді бір минут үнсіздікпен еске алып, олардың рухына тағзым етті.
Айта кетейік, 1941-1945 жылдары Шымкент пен оңтүстік өңірден 140 мыңнан астам жауынгер соғысқа аттанып, олардың жартысына жуығы туған жеріне қайта оралмаған.
Гүл шоқтарын қою рәсімінен кейін қала әкімі Мұрат Әйтенов Абай саябағы аумағында арнайы жасақталған далалық-әскери лагерьге келіп, соғыс және тыл ардагерлерімен бірге театрландырылған қойылымды тамашалады. Онда өнерпаздар майдан даласынан көріністер қойып, соғыс жылдарының әйгілі әндерін шырқады.
![](/assets/thumbnails/20/209da4da85b78fee7304bd8bf0dadab9.jpeg ""Алматы жастары" бағдарламасын қаржыландыру жалғасады – әкімдік")
![](/assets/thumbnails/90/9017ac66ee118675acabc72214b095da.jpg ""Кет!" деп талай айттым, кетпеді" - ер адам әйелін үйден неге қуғанын айтты")
![КОНДИТЕР егіздер - Әбдірахым мен Әбдірахман:](/assets/thumbnails/91/91b042207b470a6d62cba115a99ef4e4.jpg "КОНДИТЕР егіздер - Әбдірахым мен Әбдірахман: "Өз ресторанымызды ашқымыз келеді"")
