Шымкентте жастар арасында спорттық ойындар өткізілді

Шымкент қаласында шалғай елді-мекенде орналасқан жастарға спорт түрлерінен арнайы ойындар өткізілді, деп хабарлайды ERNUR.K

Спорттық ойындар Шымкент қаласы «Жастар ресурстық орталығы» Еңбекші ауданық мамандарының ұйымдастыруымен өткізілді.
Аталған іс-шараның мақсаты:

- бұқаралық спортты дамыту;

- шалғайда орналасқан жастарды спортқа тарту;

- олардың бос уақытын тиімді пайдалану;

- салауатты өмір салтын ұстануға шақыру.

Спорттық ойындар шалғай ауданда орналасқан «Тоғыс» елді-мекенінде өткізілді. Іс-шара барысында жастар арасында футболдан, шахматтан спорттық ойындар өткізілді. Сондай-ақ жастардың спортқа деген қызығушылығын арттыру мақсатында ойында белсенділік танытқан жас спортшылар арнайы дипломдармен марапатталды.