ТҮРКІСТАН: Р.Сейтметов театры жаңа маусымға дайындалып жатыр

Райымбек Сейтметов театры жаңа маусымға дайындық жұмыстарын бастады, деп хабарлайды ERNUR.KZ.

Райымбек Сейтметов атындағы Түркістан қаласының сазды-драма театры кезекті XXV мерейтойлық маусымға дайындық жұмыстарын бастады. Жазғы демалыстан оралған театр ұжымы іске қызу кірісті.

Маусым шымылдығы театрдың төлқұжатына айналған, режиссер Райымбек Сейтметов сахналаған «Көк түріктер» тарихи драмасы ашады деп жоспарлануда.

Жаңа маусым қарсаңында белгілі режиссер, Ұйғыр театрының көркемдік жетекшісі Фархадбек Канафин арнайы шақырылды. Тың бағыттағы жаңа қойылым сахналауға ұсыныс жасалды. Қазір таңда режиссер дайындық жұмыстарын жүргізуде. Алдағы уақытта театр қоржыны бірқатар премьерамен толықпақ.