Түркістандық ұстаз республикалық конкурста жеңімпаз атанды

Түркістандық ұстаз «Үздік педагог-2024» конкурсының республикалық кезеңінде жеңімпаз атанды, деп хабарлайды ERNUR.KZ.

Ғ.Мұратбаев атындағы Жетісай гуманитарлық-техникалық колледжінің әдіскері Назым Айдарханова «Үздік педагог-2024» конкурсының республикалық кезеңінде жеңімпаз атанды.

Назым Ермаханқызы - өз біліктілігін облыс пен республика көлемінде арттырып, табысты нәтижелерін танытып жүрген ұстаз. «Қазақ ұлттық педагогикасының психологиялық аспектілерін қолдану маңыздылығы», «Бастауыш сынып мұғалімін даярлаудағы педагогикалық іс-тәжірибесінің мазмұны» тақырыптарында әдістемелік құралдары жарық көрген. Халықаралық, республикалық ғылыми конференцияларда білім саласындағы өзіндік тәжірибелерімен үздіксіз бөлісіп отырады.

Тәжірибелі ұстаздың шәкірттері «The skilled Teacher-2023», «Жас зерттеуші» байқауларының жеңімпаздары. Сондай-ақ, «Worldskills Turkestan», «Worldskills Kazakhstan» қозғалысының дамуына үлес қосып, өзінің жоғары біліктілігі мен кәсіби дағдысын көрсете білген талантты жастар.