Бұған дейін Армения премьер-министрі Никол Пашинян France24 телеарнасына берген сұхбатында Арменияға қатысты ұжымдық қауіпсіздік келісімнің орындалмағанын, Ереванның ҰҚШҰ-ға қатысуын тоқтатқанын айтқан.
ERNUR.KZ. ҰҚШҰ Армения премьер-министрі Никол Пашинянның елдің ұйымдағы мүшелігін тоқтату туралы мәлімдемесіне түсініктеме берді, деп жазады sputnik.kz.
"Бүгінге дейін ҰҚШҰ хатшылығына Ереваннан ҰҚШҰ-ға мүшелікті тоқтата тұру туралы ешқандай мәлімдеме келген жоқ. Қатысуды тоқтату туралы тезиске келетін болсақ, Армения Республикасының бірқатар шараларға қатыспауы туралы айтылған болуы керек. Армения ұйым жақында өткізген брқатар шараларға қатысты", - деп хабарлады ҰҚШҰ хатшылығы.
Бұған дейін Армения премьер-министрі Никол Пашинян France24 телеарнасына берген сұхбатында Арменияға қатысты ұжымдық қауіпсіздік келісімнің орындалмағанын, Ереванның ҰҚШҰ-ға қатысуын тоқтатқанын айтқан.
Естеріңізге сала кетейік, ҰҚШҰ-ға алты мемлекет кіреді: Қазақстан, Ресей, Армения, Беларусь, Қырғызстан және Тәжікстан.
Ресей қорғаныс министрі Сергей Шойгу мамыр айының соңында армян тарапының ҰҚШҰ аясындағы бірлескен жедел және жауынгерлік дайындық шараларына қатысуының маңыздылығын атап өтті.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
