Дәрігер тромб пайда болғанда көрінетін белгілерді атады

10.02.2022 10:36

772

Медицина ғылымдарының докторы Андрей Чупин тромб пайда болғанда көрінетін белгілер туралы айтты.

ERNUR.KZ. Оның сөзінше, буын терісінің ағаруы, ұюы, салқындауды байқаған сәтте жедел жәрдем шақырған жөн. Бұл қозғалыс функциясы бұзылуының алдын алады, деп жазады Stan.kz.

"Тромб пайда болғанда өзінің белгілері көрінеді. Олар: буын ауруы, салқындау және ұюы, терінің ағаруы. Осы белгілерді байқасаңыз, буынның қозғалыс функциясы бұзылмай тұрғанда жедел жәрдем шақырыңыз. Егер жағдай сіз үшін түсініксіз болса, бірден дәрігерге қаралыңыз", - деді Андрей Чупин.

Оның айтуынша, диагностика кезінде қиындықтар туындауы мүмкін. Сонымен қатар бұл белгілер тек тромбтың ғана емес, радикулопатияның да белгісі екен. Сондықтан дерттің қандай деңгейде екенін білу үшін маманнан кеңес алған жөн.

Дәрігер науқаста расымен тромбоз анықталса, емдеудің жалғыз жолы тромбэктомия екенін айтады. Яғни хирургиялық жолмен тромбты алып тастайды.

"Егер тромб болса, түрлі препараттарды пайдалану арқылы тромбты ерітеді. Әрине, барлығы ауру деңгейі мен нақты жағдайға байланысты", - деп түсіндірді дәрігер.