19 сәуірге қараған түні Қарағанды қалалық полициясының жедел басқару орталығына тұрғындардың бірінің өз-өзіне қол салуға оқталғаны жөнінде дабыл түсті.
Сурет: Zakon.kz
ERNUR.KZ. Полицияға көпқабатты тұрғын үйдің жоғары қабатындағы пәтерлердің бірінің терезесінен аяғын салбыратып отырған бойжеткенді көріп қалған куәгерлер қоңырау шалған, деп жазады zakon.kz.
ҚР ІІМ баспасөз қызметінің хабарлауынша, 19 сәуірге қараған түні Қарағанды қалалық полициясының жедел басқару орталығына тұрғындардың бірінің өз-өзіне қол салуға оқталғаны жөнінде дабыл түсті. Оқиға орнына дереу патрульдік полицияның жасағы жіберілді. Оның құрамында полиция капитаны Мақсат Тұрсынбек, аға лейтенант Наурызбай Кажкенов және полиция капитаны Алмаз Оспанов болды. Сонымен қатар көмекке тағы бір патрульдік топ - аға лейтенант Жоламан Жұмағұлов пен полиция майоры Қанат Абдығалиқов келді.
"Құтқару операциясына полиция басқармасының орталық бөлімінің жедел-тергеу тобының қызметкері Дарина Тұрарова да қатысты. Полицейлердің жедел әрі кәсіби іс-әрекетінің арқасында бойжеткен құтқарылды. Қызметтік борышына адалдық пен жоғары жауапкершілік танытқан тәртіп сақшыларының үйлесімді жұмысы қайғылы жағдайдың алдын алуға мүмкіндік берді", делінген полиция хабарламасында.
![](/assets/thumbnails/d2/d21dc3fd261273ec206aadb3a4039639.jpg ""Жабық тұрған есіктен қалай өткенімді білмеймін": тылсымға тап болған оқырман басынан өткенін айтып берді")
![](/assets/thumbnails/d7/d767b9d2d1b4d0ea71909d1836bee0fa.jpg ""Балаларым "Тик-Токқа" шығуыма қарсы" - ұл-қызымен түсінісе алмай жүрген әйел себебін айтты")
