Миллиардер Джефф Безос 20 шілдеде ғарышқа ұшпақ

ERNUR.KZ. Amazon мен Blue Origin ғарыштық компаниясының бас директоры Джефф Безос шілдеде ғарышқа ұшпақшы. Бұл туралы миллиардердің Іnstagram-ында мәлім етілді, деп жазады ҚазАқпарат.

«Бес жастан бастап мен ғарышқа ұшуды армандадым. 20 шілде күні бұл сапарға ініммен бірге аттанамын. Бұл ең жақын досыммен өткеретін есте қаларлық сапар болмақ», - делінген Безостың жазбасында.

Blue Origin шілдеде Безос пен оның інісінің New Shepard басқарылатын ғарыш кемесінің бірінші сапарына ұйымдастырылған аукцион жеңімпазымен бірге ғарышқа ұшатынын растады.