Кем дегенде 37 адам зардап шекті.
ERNUR.KZ. Париж орталығында 21 маусымда жарылыс болып, өрт шықты. Кем дегенде 37 адам зардап шекті. Төртеуі ауыр жағдайда, тағы екі адам үйінділердің астында болуы мүмкін, деп жазады tengrinews.kz.
Оқиға Франция астанасының бесінші ауданында, Люксембург бағы мен Пантеонға жақын жерде, Париждегі Америка академиясының ғимаратында болған.
Алдын ала болжам бойынша, газдың жарылуынан кейін зардап шеккен ғимараттың қасбеті жолға құлағаны хабарланды. Жақын маңдағы үйлердің тұрғындары эвакуацияланған.
Оқиға орнына 200-ден аса өртсөндірушілер, құтқару қызметтері, сондай-ақ Париж мэрі Анн Идальго барған.
"Бесінші аудан Сент-Жак көшесіндегі жарылыс. Париждегі өртсөндірушілер, полиция және төтенше жағдайлар қызметі оқиға орнында. Менің ойым, ең алдымен, зардап шеккендер мен олардың жақындары туралы", - деп жазды Идальго Twitter-де.
Прокурорлар жарылыс себебінің екі нұсқасын - "қауіпсіздік ережелерін бұзу" және "жеке адамдардың абайсыздығы" бойынша зерттеп жатыр. Бұл туралы Париж прокуроры Лор Бекюо брифингте хабарлады.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
