Ол 54 жаста еді.
ERNUR.KZ. Польшада полицейлер жоғалған кәсіпкер Ежи Крзановскийдің денесін тапты. Бұл туралы Кросно полициясының баспасөз қызметкері Павел Бужиньский мәлімдеді, деп жазады inform.kz.
Ол 54 жаста еді.
Ер адам 6 маусым, бейсенбі күні таңертең серуендеуге шығып, жоғалып кеткен. Бірнеше сағаттан кейін оның туыстары шұғыл қызметтерге хабарлаған, іздестіру шаралары ең жоғары дәрежелі маңызға ие болды, бұл өмірге тікелей қауіп белгілері бар екенін білдіреді.
Іздеу дрондар мен иттердің көмегімен жүргізілді. Кржановскийдің телефоны анықталып, түнгі сағат бір шамасында денесі де табылды.
«Прокуратураның шешімімен денесі сараптамаға жіберілді», - деп қосты Бужиньский.
Ер адамның денесі өз үйінен жақын жерден табылды, оның өліміне инфаркт себеп болуы мүмкін, деп хабарлайды Wirtualna Polska дереккөздерге сілтеме жасап.
Полицияның RMF24-ке хабарлауынша, болған оқиғаның ешбір нұсқасын әзірге жоққа шығаруға болмайды.
Ежи Кржановский – Польшаның ең дәулетті азаматтарының бірі. 1992 жылы ағасы Адаммен бірге «Новый Стиль» (Nowy Styl) жиһаз компаниясын құрды, ол Польша мен Еуропада ең танымал орындық өндірушілердің біріне айналды. Компания өзін еуропалық жиһаз өнеркәсібіндегі көшбасшылардың бірі деп атайды. Nowy Styl өз өнімдерін 70 елге экспорттайды, өткен жылы табыс 310 млн еуроға жетті.
