5 қазанда Ресей президенті Владимир Путин "Валдай" клубында сөз сөйледі.
ERNUR.KZ. Ресей президентінің баспасөз хатшысы Дмитрий Песков БАҚ өкілдеріне брифинг өткізіп, "Вагнер" жалдамалы әскерінің бұрынғы басшысы Евгений Пригожиннің қатысуымен болған ұшақ апатын тергеу барысы жөнінде мәлімет берді, деп жазады zakon.kz.
Песков Пригожин ұшағының апатқа ұшырау себептері туралы түпкілікті қорытынды жоқ екенін айтты. Ол тергеу нәтижелері туралы баяндаманы күте тұруға шақырды.
Путиннің баспасөз хатшысы қаза тапқандардың денесінен табылған граната жарықшақтары туралы да сөз қозғады.
"Бұл анықталған фактілердің бірі, тергеу жалғасуда".Дмитрий Песков
Ол сондай-ақ Ресейдің ядролық сынақтарды өткізбеу туралы құжатты ратификациялаудан бас тартуы мүмкін екенін айтты. Дмитрий Песков бас тарту мұндай сынақтарды өткізу ниетін білдірмейді деп сендірді.
"Біз ұшақ апаты туралы білеміз, кеше маған Тергеу комитетінің басшысы қаза болғандардың денесінен қолдан жасалған гранаталардың сынықтары табылғанын хабарлады. Ұшаққа ешқандай сыртқы әсер болған жоқ".Владимир Путин
Путиннің айтуынша, апатқа ұшырағандардың қанында алкоголь немесе есірткі бар-жоғына сараптама жасалмаған. Бірақ Ресей президенті ондай сынама жасалуы керек еді деп есептейтінін жеткізді.
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
