Профессор 27 шілде түнінде Айдың қанқызыл түске боялатынын айтты

28 шілдеге қараған түні Ай, Астана уақытымен 23.13-те батыстан шығысқа қарай орбитасымен жылжып келіп, Жердің көлеңкесіне кіреді. Жер Күннің бетін жауып, Айға түсетін сәуле бірнеше сағатқа өшеді. Яғни, Ай тұтылады. Қызығы сонда, бастапқыда Ай мүлдем көрінбей қалмай, алапат қою күлгін, қанқызыл түске боялып тұрады.

Ай жердің көлеңкесіне 1.30-да толығымен еніп болады. Айдың тұтылуы 4.19-да аяқталады.

– Айтпақшы, сол түні Ай тұтылып қана қоймайды, – деді физика-математика ғылымдарының докторы, профессор Виктор Тейфель. – Марстың ұлы қарсыласуы болады. Дегенмен бұл құбылыс екі жылда бір қайталанып отырады. Бірақ 15 жылда бір рет жерге өте жақын келеді. Соңғы ұлы қарсыласу 2003 жылы болған.

Бұл жолы «Қызыл ғаламшар» Жерден небары 57,5 млн шақырым қашықтықта болатын көрінеді. Түн жарымында аспанның оңтүстік бөлігінен қызғылт-сары жұлдыз байқасаңыз, Марс дей беріңіз. Оның қара дақты дискісімен ашық түсті поляр қалпағын кішігірім телескоппен де көруге болады.

Осы бір ғажайқа толы түнде Сатурнның сұлулығына да тамсана аласыз. Ол Марстың батыс жағынан «туады». Марстай жарқырап көрінбесе де, телескоппен анық байқауға болады.