2022 жылы Ауғанстанға жоғары және 1-ші сұрыпты бидай ұнын жеткізуді ресейлік Mills компаниясы жүзеге асырды.
ERNUR.KZ. Қазақстанда бидай мен ұнды экспорттауға квота жарияланған кезеңде (2022 жылғы наурыздан маусымға дейін) Ресей Орталық Азияға ауыл шаруашылығы өнімдерін жеткізу көлемін арттырды. Бұл туралы "Агроэкспорт" федералды орталығы хабарлады, деп жазады inbusiness.kz.
Мысалы, қаңтар-қазан айларында Ауғанстанға ресейлік азық-түлік жөнелтілімі 2,9 есеге өсті. Оның ішінде бидай мен қара бидай ұнын жеткізу 9,7 есеге және маргаринге 121 есеге өсті.
Атап айтқанда, 2022 жылы Ауғанстанға жоғары және 1-ші сұрыпты бидай ұнын жеткізуді ресейлік Mills компаниясы жүзеге асырды. Компания өкілдерінің айтуынша, экспорттың өсу факторларының бірі – соңғы жылдары Ауғанстан нарығына негізгі жеткізуші Қазақстанның ұн экспортына квоталардың енгізілуі.
