Ресейде жеке ұшақ апатқа ұшырап, 10 адам қаза тапты

ERNUR.KZ. Бұл туралы ТАСС агенттігіне Ресей Төтенше жағдайлар министрлігінің баспасөз қызметі мәлім етті, деп жазады ҚазАқпарат.

«Embraer ұшағы Шереметьеводан Санкт-Петербургке ұшып бара жатқан. Бортта үш ұшқыш пен жеті жолаушы болған. Олардың барлығы қайтыс болды», - делінген хабарламада.

Оқиға Куженкино ауылының маңында болған.

Төтенше жағдайлар қызметі ТАСС агенттігіне төрт адамның мәйіті табылғанын хабарлады. Сондай-ақ ұшақ жерге соғылғанда жанып кеткенін, оның ұшқанына жарты сағаттан аз уақыт болғаны айтылды.

Бологовск ауданының бірыңғай кезекшілік-диспетчерлік қызметінің мәліметінше, төтенше жағдайдан зардап шеккендер туралы ақпарат түскен жоқ.

«Жол апаты М-10 тас жолынан алыс емес жерде, Куженкино ауылындағы қараусыз қалған фермадан екі шақырым жерде болды», - деп қосты агенттіктен.

Әуе көлігі федералдық агенттігі апатқа қатысты тергеуді бастады.