Төрт президент Киевке барады

ERNUR.KZ. Еуропаның төрт президенті Украина астанасына барады, деп жазады Tengrinews.kz.

Литва президенті Гитанас Науседа, Польша президенті Анджей Дуда, Эстония президенті Алар Карис және Латвия президенті Эгилс Левитс украин басшысы Владимир Зеленскиймен кездесу үшін Киевке барады.

"Біз Киевке саяси қолдау көрсетуге және әскери көмек туралы жақсы хабарлама алып барамыз. Литва Украинаның егемендігі мен бостандығы үшін күресін қолдайды", - деп жазды Науседа Twitter-де және украин тілінде: "Жеңіске бірге!" деп қосты.

Польша президент әкімшілігі Украина астанасында төрт мемлекет басшылары Зеленскиймен кездесетінін растады.

"Біздің мақсатымыз - президент Зеленскийді және Украинаның қорғаушыларын осы ел үшін шешуші сәтте қолдау. Балтық елдері өңірдегі қауіпсіздік мәселелеріндегі біздің негізгі әріптестеріміз. Біз Киевке бірге барамыз деп шештік. Польша сапардың ұйымдастырушысы және Украинамен бірге оның логистикасы мен қауіпсіздігін қамтамасыз етеді", - деді Халықаралық саясат бюросының басшысы Якуб Кумоч.