Теңіз деңгейінен 2 625 метр биіктікте өткен шараға жан-жақтан туристер ағылды
ERNUR.KZ. Түркияның оңтүстік-шығысында орналасқан Ширнак провинциясының Фарашин жайылымында қой қырқудан жарыс өтті, деп жазады ҚазАқпарат.
Теңіз деңгейінен 2 625 метр биіктікте өткен шараға жан-жақтан туристер ағылды. Фестивальды елдің мәдениет және туризм министрі Ахмет Халук Дурсун ашты.
Оның айтуынша, Түркияның оңтүстік-шығысындағы қауіпсіздікті қамтамасыз ету өңірдегі ауыл шаруашылығын дамытуға және туристерді көбірек тартуға жағдай жасайды.
Ширнак губернаторы Мехмет Акташтың сөзіне қарағанда, ауыл шаруашылығы - өңір экономикасының өзегі.
«Қой қырқу» фестивалі - Түркияның оңтүстік-шығысындағы дәстүрлер мен мәдениеттің көрінісі, достық пен ынтымақтың символы", - деді Акташ.
Айта кетейік, Түркия оңтүстік-шығысында Сириямен және Иракпен шектеседі.
