Шара Нидерландтың сыртқы істер, қорғаныс, білім, мәдениет және ғылым министрліктерінің қолдауымен ұйымдастырылған.
ERNUR.KZ. Нидерланды Гаагадағы ЮНЕСКО конференциясына ресейлік делегацияны аккредиттеуден бас тартты, Мәскеу мұны ұлтына байланысты кемсітушілік деп санайды, деп мәлімдеді РФ СІМ ресми өкілі Мария Захарова. Бұл туралы ведомствоның сайтында жарияланған, деп жазады sputnik.kz.
Ол 13 мамырда Гаагада ЮНЕСКО-ның "Мәдени мұра және бейбітшілік: Қарулы қақтығыстар кезінде мәдени құндылықтарды қорғау жөніндегі Гаага конвенциясына 70 жыл" атты халықаралық конференциясы ашылғанына назар аударды. Шара Нидерландтың сыртқы істер, қорғаныс, білім, мәдениет және ғылым министрліктерінің қолдауымен ұйымдастырылған.
"Ресей делегациясының мүшелері соңғы сәтте конференцияны ұйымдастырушылардан аккредиттеуден бас тартқаны туралы хабарлама алды, ал ресейлік сарапшыға виза берілмеді", - делінген Захарованың хабарламасында.
Дипломат Мәскеу мұны ұлтына байланысты кемсітушілік деп санайтынын және халықаралық қауымдастықты төтенше жағдайлар мен қақтығыстардан зардап шеккен мұраны қай аймақта орналасқанына қарамастан қорғауда ашық болуға шақыратынын айтты.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
