Ыстамбұлдан шыққан автобус апатқа ұшырады: 6 адам қаза тапты

0
627

Автобус Ыстамбұлдан шығып, Қара теңіз жағалауындағы Синоп қаласына бара жатқан. Басылым мәліметінше, Кастамону - Ташкепрю тасжолында мұзтайғақ пен қардың салдарынан жүргізуші көлікті басқаруды игере алмаған.


Ыстамбұлдан шыққан автобус апатқа ұшырады: 6 адам қаза тапты

ERNUR.KZ. Түркияның солтүстігіндегі Кастамону провинциясында жолаушылар автобусы апатқа ұшырады. Соның салдарынан алты адам қаза тауып, 30 адам жарақат алды, деп жазады tengritravel.kz.

Автобус Ыстамбұлдан шығып, Қара теңіз жағалауындағы Синоп қаласына бара жатқан. Басылым мәліметінше, Кастамону - Ташкепрю тасжолында мұзтайғақ пен қардың салдарынан жүргізуші көлікті басқаруды игере алмаған. Содан жолаушылар көлігі жолдан шығып кетіп, бір жанына ауып кеткен.

Алдын ала мәлімет бойынша, жол-көлік оқиғасы салдарынан алты адам қаза тапқан. Сондай-ақ тағы 33 адам зардап шеккен, оның үшеуі ауыр халде жатыр. Зардап шеккенде ауруханаға жеткізілді.

Сонымен қатар провинция губернаторы Мефтун Даллы TRT Haber эфирінде берген сұхбатында жол апатына жүргізушінің ұйықтап кетуі себеп болуы мүмкін екенін мәлімдеген. Жергілікті полиция мәліметінше, ол аймақтағы жолда қар болмаған.