Украина президенті Владимир Зеленскийдің бес жылдық мерзімі 2024 жылдың 20 мамырында аяқталады.
ERNUR.KZ. Президент сайлауы 31 наурызда өтуі керек еді, бірақ елде әскери жағдай сақталады, деп жазады inbusiness.kz.
Украина Конституциясы мұндай жағдайда Мемлекет басшысын сайлауға тікелей тыйым салмайды, бірақ тыйым әскери жағдайдың құқықтық режимі туралы заңда қарастырылған.
Украинадағы әскери жағдай 2022 жылдың ақпан айының соңында Ресей әскери операциясының басталуымен енгізілді және әр үш ай сайын ұзартылады. Соңғы рет 9 мамырда Зеленский Жоғарғы Раданың тиісті заң жобасына қол қойды. Осылайша, Украинадағы әскери жағдай 2024 жылдың 11 тамызына дейін қолданылады.
2023 жылдың қазан айында Зеленский Румынияның digi24 телеарнасына берген сұхбатында, егер президенттік сайлау соғыс аяқталғаннан кейін өтсе, екінші мерзімге сайлауға түскісі келмейтінін айтты.
Қараша айының басында Зеленский Украина да соғыс болып жатқанда сайлау өткізу орынсыз деген пікір білдірді.
Сол айдың соңында Жоғарғы Раданың барлық фракцияларының басшылары соғыс қимылдары аяқталғанға дейін және соғыс жағдайы жойылғаннан кейін алты ай ішінде сайлауға қарсы декларацияға қол қойды.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
