Жапон кәсіпкері 2023 жылғы Айға сапарына 8 адамды таңдап алады

ERNUR.KZ. Жапон кәсіпкері Юсаку Маэдзава сәрсенбі күні «өздерін әртіс деп есептейтін» қоғамның 8 өкілін 2023 жылы Ай орбитасына алып кететінін мәлімдеді. Бұл SpaceX фирмасы ұйымдастырған әлемдегі алғашқы жеке ғарыш саяхаты, деп жазады ҚазАқпарат.

Zozo Inc. сәнді киімдер интернет-дүкенінің негізін қалаған Маэдзава 10-12 адамнан құралған топқа мүше болу үшін өтініш тастап жатқандар ғарыш саяхаты кез келген шығармашылықтың шекарасын кеңейтіп, нәтижесінде «басқа адамдар және жалпы қоғам» көмегін сезінуі керек деді.

Ол YouTube арнасына ағылшын және жапон тілдерінде екі видео жариялап, dearMoon жобасы командасының әлеуетті мүшелері команданың басқа өкілдерін қолдауға «дайын және қабілетті» болуы керек екенін айтты.

Айға бару, оның айналасында жүру және қайту жалпы алты күнге созылады, Маэдзава экспедиция ақысын жеке саяхат ретінде өзі төлейді. Өтініштер 14 наурызға дейін қабылданады.