Ғалым кімдер коронавируспен екінші рет ауыратынын айтты

25.05.2021 11:15

2 484

Созылмалы ауры бар адамдар коронавирустың алдын алу және карантиндік шараларды сақтау шараларын мұқият орындауға тиіс

ERNUR.KZ. Ресейлік ғалым кім екінші рет коронавируспен ауырып қалуы мүмкін екенін айтты, деп жазады sputniknews.kz.

Халықтар достығы университетінің инфекциялық аурулар кафедрасының доценті Сергей Вознесенскийдің айтуынша, коронавирусты екінші рет жұқтыру жағдайлары көп бола бермейді. Дегенмен, вирустың адам ағзасына қайта түсуінің себептері бар.

"Коронавирусты екінші рет жұқтырған адамдардың саны көп емес. Ондай пациенттердің иммунитеті төмен. Бәлкім, вакциналау кестесі дұрыс сақталмаған шығар, я болмаса, басқа да созылмалы ауруларға шалдыққан", - дейді Вознесенский.

Оның пайымдауынша, бүгінде адамның иммунитеті төтеп бере алмайтындай коронавирустың жаңа бір штаммы шықты деуге болмайды. Барлығы денсаулыққа байланысты.

Айта кетейік, Қазақстанда 600-ге жуық адамның коронавирусты қайта жұқтырғаны ресми түрде расталды. Клиникалық хаттама бойынша вирусты екінші рет жұқтыру жағдайлары жан-жақты тексеріледі. Сондай-ақ аурудың интервалы, созылмалы белгілері және тағы басқа факторлар ескеріледі. Өңірлерде әрбір жағдай консилиумда қаралады.

Әлем бойынша COVID-19-ды екінші рет жұқтыру жағдайлары аз емес. Кейбір зерттеулерге сәйкес, вирусты екінші рет жұқтыратындардың басым бөлігі – 65 жастан асқан адамдар.