2021 жылдың соңына қарай инфляция 4-6% төмендейді

Биыл наурызда нан-тоқаш өнімдері, ет, қант, жеміс, көкөніс өнімдері бағасының баяу өсуі аясында азық-түлік инфляциясының 11,6%-дан 10,7%-ға дейін баяулауы есебінен инфляция 7,4%-дан 7,0%-ға нығайды. Азық-түлікке жатпайтын инфляция өндірушілер бағасының өсуіне байланысты жанармай бағасының күрт өсуі нәтижесінде 5,2%-дан 5,6%-ға жылдамдады. Ақылы қызметтер инфляциясы 3,9%-дан 3,7%-ға баяулады. Бұған тұрғын үй коммуналдық қызметтерінің жекелеген түрлеріне тарифтердің төмендеуі алып келді, - деді ол.

Оның айтуынша, 2021 жылдың соңына қарай инфляция 4-6% нысаналы дәліздің жоғарғы шегіне дейін төмендейтіні күтілуде. Биыл наурызда азық-түлік инфляциясының бәсеңдеуіне қарамастан, ол бұрынғысынша екі таңбалы өсу аймағында сақталуда.

Азық-түлікке шектеулі ұсыныс пен әлемдік азық-түлік нарықтарындағы бағаның өсуі аясында жекелеген азық-түлік өнімдерінің қымбаттауы байқалады. Азық-түлік инфляциясына май, қант, жұмыртқа, жемістер мен көкөністердің үлесі 35%-тен асады. Азық-түлік инфляциясының баяулауына қарамастан, азық-түліктің әлемдік бағасының қымбаттауына байланысты жекелеген тауарлар бағасының жоғары өсу тәуекелі сақталуда, - деді ол.

Досаев ФАО деректері бойынша азық-түлік бағаларының индексі 10 ай қатарынан өсіп келеді және биылғы жылғы наурызда өсімдік майларына, дәнді дақылдарға, сүт өнімдеріне және қантқа бағаның өсуі нәтижесінде 2014 жылғы маусымнан бастап ең жоғары мәндерге жеткенін айтты.

Азық-түлікке әлемдік бағалардың ағымдағы серпіні сақталған кезде ішкі тұтыну нарығында проинфляциялық тәуекелдер күшейе түседі. Осылайша, азық-түлік инфляциясын тұрақтандыру 2021-2022 жылдары инфляцияны белгіленген дәлізде ұстап тұрудың негізгі факторы саналады, - деді ол.