2025 жылға дейін шәкіртақыны өсіреміз – Саясат Нұрбек

18.10.2022 17:59

1 898

Министр мектеп мұғалімдерінің жалақысы өсуіне қарай ғылым қызметкерлері басқа жұмысқа ауысқанын да айта кетті.

ERNUR.KZ. Биыл 1 қыркүйектен бастап студенттердің, магистранттар мен докторанттардың шәкіртақысы көбейген еді. Ғылым және жоғары білім министрі Саясат Нұрбек шәкіртақы тағы қашан өсетінін айтты, деп жазады zakon.kz.

Министр "Келесі жылы да қыркүйекте осындай өзгерістер бола ма?" деген сұраққа жауап берді. Оның сөзінше, мүмкіндіктер сақталады.

"Осы мүмкіндіктер сақталады. 2025 жылға дейін шәкіртақыны өсіреміз. Келесі қыркүйектен бастап тағы 15%-ға, 20%-ға. Мақсатымыз - оқытушыларымыздың, профессорларымыздың, Ph-докторанттарымыздың, студенттеріміздің шәкіртақыларын өсіріп, еңбек нарығындағы орташа және жоғары деңгейге келтіру. Неге десеңіздер, қазір ұстаздардың жалақысы өсті", - деп түсіндірді министр.