Бұған дейін айтып өткеніміздей, әлеуметтік-еңбек саласындағы 45 мемлекеттік қызметтің 93%-ы электронды түрде және 43%-ы проактивті түрде көрсетіледі.
ERNUR.KZ. Орталық коммуникациялар қызметі алаңында Еңбек және халықты әлеуметтік қорғау вице-министрі Ербол Оспанов елімізде әлеуметтік-еңбек саласындағы мемлекеттік қызметтер 100% электрондық форматқа көшірілетінін мәлімдеді, деп жазады baq.kz.
Бұған дейін айтып өткеніміздей, әлеуметтік-еңбек саласындағы 45 мемлекеттік қызметтің 93%-ы электронды түрде және 43%-ы проактивті түрде көрсетіледі.
Енді министрлік бұл көрсеткішті 100%-ға жеткізуді жоспарлап отыр.
2025 жылға қарай әлеуметтік-еңбек саласындағы мемлекеттік қызметтердің 100%-ы электрондық форматқа, оның ішінде кемінде 60%-ы проактивті форматқа ауыстырылады. Яғни мемлекеттік қызметтер көрсету көлемін жылына 6 млн-ға дейін арттыруды жоспарлап отырмыз, - деп толықтырды вице-министр Ербол Оспанов ОКҚ-да.
Яғни азаматтарға әлеуметтік-еңбек саласындағы мемлекеттік қызметтерді алу үшін ХҚКО-ларға, әкімдіктерге, банктерге және басқа да инстанцияларға барудың қажеттілігі болмайды.
Айта кетейік, Еңбек және халықты әлеуметтік қорғау министрлігі әлеуметтік-еңбек саласындағы мемлекеттік қызметтердің 45 түрін көрсетеді.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
