90 келіге жуық ақ амур мен сазан балықтарын аулаған азаматтар ұсталды

ERNUR.KZ. Браконьерлер табиғатты қорғау полициясы мен Орман және аңшылық шаруашылығы комитеті қызметкерлерінің бірлескен рейді барысында ұсталды, деп жазады zakon.kz.

"Тасқарасу кентінің шетінде жүргізушісі және екі жолаушысы бар Ваз-2104 маркалы автокөлігі тоқтатылды. Олардың барлығы Панфилов ауданының тұрғындары. Автокөлікті тексеру барысында машинадан ірі балықтың екі қапшығы, атап айтқанда сазан мен ақ амур балықтары табылды. Біз бұл балықтар желілердің көмегімен ұсталған деген қорытындыға келдік. Жалпы ауланған өнімнің салмағы 88 келіні құрап отыр. Сонымен қатар олардан үрлемелі резеңке қайық, екі электр фонары, батпаққа арналған резеңке етік және басқа да балық аулау құралдары тәркіленді", - деп хабарлайды Ұйғыр аудандық полиция бөлімі бастығының орынбасары полиция майоры Махамет Тураржан.

Аталған дерек ҚР ҚК-нің 335-бабы 1-бөлімі бойынша тіркелді. Күдіктілер мекежайын өзгертпеу туралы міндеттемемен босатылды. Браконьерлер мінген автокөлік сот шешіміне дейін айып тұрағына қойылды. Күдіктілерден алынған балық балық инспекциясына тапсырылды. Заңсыз ауланған балықтарды сатудан түскен қаражат мемлекет кірісіне аударылады.