Бүгін Алматы қалалық мәслихат отырысына баспасөздің қатысуына рұқсат берілмеген.
ERNUR.KZ. Бүгін бірнеше алматылық журналист Ақпарат және қоғамдық даму министрлігіне шағымданып, сағат 16.00-де болатын Алматы қалалық мәслихат отырысына баспасөздің қатысуына рұқсат бермеуіне, сондай-ақ онлайн-трансляция ұсынбауына байланысты түсініктеме беруін сұрады, деп жазады Azattyq Rýhy.
Осы жайтқа байланысты Ақпарат және қоғамдық даму министрлігі түсініктеме беріп, «Ақпаратқа қол жеткізу туралы» заңның 13-бабын сақтауды ұсынды.
«Заңға сәйкес Қазақстанда облыс, республикалық маңызы бар қала, астана, аудан (облыстық маңызы бар қаланың) жергілікті өкілетті және атқарушы органдарының жиналыстары ашық болады», - делінген.
Министрліктің хабарлауынша, мемлекеттік органдар өткізген шаралардың интернет-ресурстарда онлайн трансляциясы ұсынып, ақпаратпен қамтамасыз етуі керек.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
