Ақтауда науқас облыстық аурухананың екінші қабатынан құлап кеткен

ERNUR.KZ. Ақтауда Маңғыстау облыстық ауруханасында науқас екінші қабаттан құлап зардап шекті. Ер адам есікті сындырып, дәлізге жүгіріп шыққан, содан кейін баспалдақтан секіріп кеткен, деп жазады tengrinews.kz.

Ер адамның шынтақ буынына ота жасалуы керек болған.

"1969 жылы туған науқас 6 наурызда келіп түсті, шынтақ буыны шығып кеткен. Наркозбен шұғыл түрде шынтақ орнына салынды. Науқасқа қолының ісігені басылған соң операциядан кейін ота жасау жоспарланған. Жарақат ауруханаға түскеннен үш күн бұрын болған. Науқас ішімдік ішкенін жоққа шығарған жоқ", - деді Маңғыстау облыстық көпсалалы ауруханасы өкілдері.

"Таңертең кезекші дәрігер тексерген. Кезекші дәрігердің айтуынша, сағат 07:15-те ер адам травматология бөлімінің әйнек есігін сындырып, дәлізге жүгіріп шыққан, содан кейін екінші қабаттан секіріп кеткен", - деп хабарлады Маңғыстау облыстық ауруханасы.

Дәрігерлер ер адамның галлюцинация немесе алкогольдік мас болу салдарынан психомоторлы қозу салдарынан екінші қабаттан құлағанын жоққа шығармайды.

"Жарақат алған науқастың жағдайы тұрақты ауыр, ол жансақтау бөлімінде жатыр. Құлаған кезде ер адамның оң жамбасы сынған", - деді медициналық мекеме өкілдері.

Аурухана өкілдері тергеу жүріп жатқанын айтты.