Ақтөбе облысында 22 цистерна рельстен шығып кетті

ERNUR.KZ. Ақтөбе облысында жүк пойызының 22 цистернасы теміржолдан шығып кетті. Төтенше жағдай салдарынан Атыраудан Алматыға келе жатқан жолаушылар пойызын тоқтауға мәжбүр болды, деп жазады Tengrinews.kz.

Оқиға 26 ақпанда сағат 11.55-те Шалқар ауданы Ұлпан теміржол станциясында болған. ТЖМ ресми өкілі Талғат Уәли 43 вагонды 22 жүк цистернасы рельстен шығып кетіп, 13 цистерна аударылғанын және ұзындығы 150 метр темір жол төсемі зақымдалғанын хабарлады. Қаза болғандар мен зардап шеккендер жоқ.

"Оқиға салдарынан №42 Атырау-Алматы бағытындағы жолаушылар пойызы Ембі станциясында кідіруге мәжбүр болды. Қазіргі уақытта электр энергиясын токтан ажырату және жөндеу-қалпына келтіру жұмыстары жүргізіліп жатыр",-деп хабарлады ТЖМ баспасөз қызметі өкілдері.