Велоспортшы көлікпен соқтығысып қалған.
Фото: XDS Astana
ERNUR.KZ. Олимпиада чемпионы Александр Винокуровтың ұлы кіші Александр Винокуров әкесінің жолын қуып, кәсіби велоспортпен айналысады. Ол XDS Astana Development Team командасының мүшесі, деп жазады inbusiness.kz.
Александр Грекияда жарыс сериясына дайындық барысында өткен жаттығу кезінде жол апатына ұшырады. Ол бұрылыс тұсынан кенеттен шыққан автокөлікпен соқтығысып қалды.
"Қазіргі уақытта спортшының жағдайы тұрақты. Команда оған қажетті барлық қолдауды көрсетуде және тез сауығып кетуін тілейді", - деп мәлімдеді XDS Astana командасының баспасөз қызметі.
Медициналық тексеру нәтижесінде спортшының оң жақ жамбасы сынғаны анықталды. Жақын күндері оған ота жасалады. Содан кейін Александр Францияға жеткізіліп, оңалту кезеңінен өтеді.
![](/assets/thumbnails/d2/d21dc3fd261273ec206aadb3a4039639.jpg ""Жабық тұрған есіктен қалай өткенімді білмеймін": тылсымға тап болған оқырман басынан өткенін айтып берді")
